అడుగడుగున గుడి వుంది

చిత్రం: ఉండమ్మా బొట్టు పెడతా   సంగీతం: KV మహదేవన్ 

రచన: దేవులపల్లి కృష్ణశాస్త్రి   పాడినవారు :సుశీల 

అడుగడుగున గుడి వుంది అందరిలో గుడి వుంది 

ఆ గుడిలో దీపముంది అదియే దైవం (అడుగడుగున)

ఇల్లూ వాకిలి ఒళ్ళూ  మనసూ  ఈశుని కొలువనిపించాలి - 2

ఎల్లవేళలా  మంచుకడిగిన మల్లెపూవులా ఉంచాలి - 2

దీపం మరిమరి వెలగాలి తెరలు పొరలు తొలగాలి (అడుగడుగున)

తల్లి తండ్రి గురువు పెద్దలు పిల్లలు కొలిచే దైవం - 2 

కల్లా కపటం తెలియని పాపలు తల్లులు వలచే  దైవం - 2

ప్రతి మనిషి నడిచే దైవం ప్రతి పులుగు ఎగిరే దైవం  (అడుగడుగున)