పిల్లలూ దేవుడూ చల్లనివారే

చిత్రం: లేతమనసులు  సంగీతం: MS విశ్వనాథన్ 

రచన:ఆరుద్ర, దాశరధి  పాడినవారు: సుశీల 

పిల్లలూ దేవుడూ చల్లనివారే కల్లకపటమెరుగని కరుణామయులే -2 

తప్పులు మన్నించుటే దేముని సుగుణం ఇది గొప్పవాళ్ళు చెప్పినట్టి చక్కని జ్ఞానం - 2  (పిల్లలూ)

పుట్టినపుడు మనిషి మనసు తెరచియుండును - 2

ఆ పురిటికందు మనసులో  దైవముండును - 2 

వయసు పెరిగి ఈసు కలిగి మదము ఎక్కితే - 2

అంత మనిషిలోని దేముడే మాయమగునులే - 2 (పిల్లలూ)

వెలుగుతున్న సూర్యుణ్ణి మబ్బుమూయును -2

మనిషి తెలివి అనే సూర్యుణ్ణి కోపంమూయును - 2

గాలి వీచ మబ్బు తెరలు కదిలి పోవులే - 2

మాట కలుపుకున్న కోపమే చెలిమి అగునులే - 2 (పిల్లలూ)

పెరిగి పెరిగి పిల్లలే పెద్దలవుదురు - 2 

ఆ పెద్దలేమో కలహిస్తే చిన్నబోదురు - 2 

మాయమర్మమేమిలేని బాలలందరూ - 2 

ఈ భూమిపైన వెలసిన పుణ్యమూర్తులే -2 (పిల్లలూ)