అగడాలు పగడాలు

చిత్రం: రాదాగోపాలం          సంగీతం: మణిశర్మ 

సాహిత్యం:జొన్నవిత్తుల     పాడినవారు: SP బాలు, కల్పన

అగడాలు పగడాలు ఆలూమగల జగడాలు 

కోపాలు తాపాలు లేనిపోని పంతాలు 

ఒక్కసారి సారీ చెపితే మళ్లీ అంతా మామూలు -2  (అగడాలు)

భార్య వేచివుండడాలు మొగుడు రాకపోవడాలు

కోపగించుకోవడాలు  కారణాలు చెప్పడాలు 

గొంతుచించుకోవడాలు  సమర్థించుకోవడాలు 

గొడవపెంచుకోవడాలు  గోలచేసుకోవడాలు

అరవడాలు ఉరమడాలు  కసరడాలు విసరడాలు 

చిలికి చిలికి గాలివానలవడాలు

వాయు గుండం పడడాలు కొంప గుండమవ్వడాలు

తెల్లవారుఝామునే తీరాన్ని తాకడాలు 

సారీలు చెప్పడాలు సరే అనుకోవడాలు

అసలేమి జరగనట్టు తెల్లారిపోవడాలు

ఫోను ఏదో రావడాలు  నవ్వుతు మాటాడడాలు

అనుమానం రావడాలు పెనుభూతం అవ్వడాలు

ఆరాలు తియ్యడాలు కారాలు నూరడాలు 

ఏనాటివో తవ్వడాలు ఏకరువులు పెట్టడాలు 

తిట్టడాలు నెట్టడాలు ఒకరినొకరు కొట్టడాలు

రోజు రోజు మాటలాగిపోవడాలు

తిక్కతిక్కగుండడాలు పక్కబందుచెయ్యడాలు

బ్రహ్మచర్య ముండడాలు మన్మథున్ని తిట్టడాలు 

సారీ అనుకోవడాలు సర్దిచెప్పుకోవడాలు

ఒకరికొకరు వంగడాలు పొంగిపొర్లి పోవడాలు

చీర కట్టుకోవడాలు తెమలకుండా పోవడాలు  

మొగుడు మొత్తుకోవడాలు టైము దాటిపోవడాలు 

train వెళ్లిపోవడాలు రోడ్డుమీద ఎగరడాలు 

తెల్లముఖం వెయ్యడాలు ఇంటిముఖం పట్టడాలు 

గంటసేపు దెప్పడాలు కంటినీరు కార్చడాలు 

అలగడాలు తలగడాలు తడవడాలు

అర్థరాత్రి దాటడాలు   భద్రకాళి అవ్వడాలు 

నిద్రమాను కోవడాలు  నిప్పులెగజిమ్మడాలు

సారీలు చెప్పడాలు చల్లబడి పోవడాలు

గుద్దులాట నవ్వులాటై ముద్దులాడుకోవడాలు   (అగడాలు)